Өмірбаян
31 мектеп-гимназия деректоры Қашаубай Ербол Ермекұлы 11.12.1979 жылы туылған.
Бастауыш сынып мұғалімі, қазақ тілі мен әдебиеті пәні мұғалімі, заңгер мамандығы бойынша үш жоғары білімі бар.
Еңбек жолын 2000-2004 жылдары Жамбыл облысы Талас ауданындағы М.Жұмабаев атындағы орта мектепте бастауыш сынып және қазақ тілі мен әдебиеті пәні мұғалімі ретінде бастаған.
2004-2005 жылдары аталған мектептің оқу-тәрбие ісі жөніндегі орынбасары қызметін атқарған.
2005-2008 жылдары Талас аудандық білім және спорт бөлімінің әдіскері, бас маманы, 2008-2011 жылдары Жамбыл облыстық білім басқармасының жетекші, бас маманы, 2011-2012 жылдары Жамбыл облыстық білім саласын бақылау департаментінің бас маманы ретінде қызмет жасаған.
2013-2015 жылдар аралығында Атырау облысы бойынша сот актілерін орындау департаментінің жетекші маманы, сот орындаушысы, Қызылқоға аумақтық сот орындаушылар бөлімінің басшысы-аға сот орындаушысы қызметін атқарған.
2015-2022 жылдар аралығында Атырау қаласында №12 мектеп директоры қызметін атқарды.
2022 жылдың қаңтар айынан бері Атырау қаласындағы №31 мектеп-гимназиясы директоры қызметін атқаруда.
Қызмет еткен барлық мекеме мен лауазымда жемісті еңбек етіп, көптеген марапаттарға ие болған.
Қазақстан Республикасы Білім және ғылым министрінің Құрмет грамотасымен, Қазақстан Республикасы Әділет министрінің Алғыс хатымен, Мемлекеттік қызмет істері агенттігінің Атырау облысы бойынша департаментінің Алғыс хатымен, Облыстық білім басқармаларының, Атырау қаласы Әкімінің, Атырау қалалық білім бөлімінің, облыстық және қалалық кәсіподақтың бірнеше рет Құрмет грамотасы мен Алғыс хаттарымен марапатталған.